Шатаж байсан автобуснаас зорчигчдыг аварсан сурагч хүүд "Нийслэлийн Тэргүүний Сурагч" шагналыг гардууллаа.

Нийслэлийн тэргүүний ерөнхий боловсролын “Тэмүүжин өрлөг” сургуулийн 9а ангийн сурагч Д.Хүчитбаатар нь Гачууртын чиглэлд явж байсан автобус шатах үед эмэгтэй жолоочтой нийлж дотор байсан хүмүүсийг гаргасан төдийгүй галыг унтраасан байна. Энэ хүүгийн баатарлаг үйлсийг үнэлж өнөөдөр Нийслэлийн тэргүүний сурагч шагналыг гардуулсан. Мөн Үндэсний батлан хамгаалах их сургуулийн удирдлагууд Д.Хүчитбаатар хүүг хүлээн авч хүндэтгэл үзүүлэн шударга журам медалиар шагнаж урамшуулаа. Түүнчлэн Тэмжүүжин өрлөг сургуулийг Монголын сурагчдын холбооноос “Хүүхдэд ээлтэй сургууль” цомоор шагнаж урамшууллаа.