Медипас эмнэлгийн эмэгтэйчүүдийн эмч, Монголын гэр бүлийн сайн сайхны нийгэмлэгийн Орхон салбарын тэргүүн Б.Хулан:

Миний хувьд 8 жил гэр бүлийн боловсролын талаарх сургалт мэдээллийг олон нийтэд өгч байна. Түүнээс гадна 3 жил бэлгийн боловсролын талаарх мэдээллийг ЕБС-ын сурагчид болон залуучууд давхардсан тоогоор 20иод мянган залууст сургалт хийлээ. Анхандаа бол дан ганц сурагчдад буюу өсвөр үеийнхэнд сургалтаа хүргэх гэж мэдээллээ зөв ойлгуулж хүргэх гэж зорьдог байсан бол одоо бол эцэг эхчүүдэд эрүүл мэндийн болон тэр дундаа бэлгийн боловсролын талаарх мэдээллийг түлхүү хүргэж байна. Гэр бүлүүд буюу томчуудад эрүүл мэндийн боловсролын талаарх мэдээллийг өгөхөд аль хэдийн амьдрал зохиосон хүмүүс учир алдсан ч оносон ч мэдээлэлтэй байдаг учир нэмж яг зөв өнцгөөс нь зөв мэдээллийг өгөх вэ гэдэгт анхаарч ажиллаж байна.

Аймгийн ЗДТГазар болон НБХэлтэс, Орхон аймгийн Эмэгтэчүүдийн зөвлөл хамтран Дэлхийн гэр бүлийн өдөрт зориулсан “Бүх хайраа гэр бүлдээ” аяны хүрээнд зохион байгуулж буй 14 хоног үргэлжлэх энэхүү өглөөний уулзалт сургалтад миний хувьд эрүүл мэндийн боловсрол тэр дундаа бэлгийн боловсролын талаарх багахан ч гэсэн мэдээллийг өгч байгаа. Өглөө бүр хүрэлцэн ирж өөртөө цаг гаргаж сонсож суралцаж байгаа бүх хүмүүст баярлалаа.