Олон улсын хөгжлийн бэрхшээлтэй хүний эрхийг хамгаалах өдөр буюу арванхоёрдугаар сарын 3-ны өдрийг угтсан сарын аяны хүрээнд Орхон аймгийн Хараагүйчүүдийн холбооноос хөгжлийн бэрхшээлтэй иргэдийн дунд “Урлагийн их наадам” зохион байгууллаа.
Наадамд 6-73 насны 50 гаруй оролцогч 16 наснаас доош, 16 наснаас дээш гэсэн хоёр ангиллаар дуу, бүжиг, уран уншлага, хөгжим гэсэн дөрвөн төрлөөр авьяас, ур чадвараа сорин өрсөлджээ.
Ийнхүү оролцогчид урлагаар дамжуулан авьяасаа нээн харуулж, нэг өдрийг баяр хөөр, догдлол, дурсамжаар дүүрэн өнгөрүүлсэн байна.
Зохион байгуулагчдын зүгээс энэхүү наадам нь хөгжлийн бэрхшээлтэй иргэдэд зориулсан урлаг, соёлын үйл ажиллагаа, оролцох боломжийг нэмэгдүүлэх хэрэгцээ байгааг харууллаа хэмээн онцоллоо.
Урлагийн их наадмыг зохион байгуулахад дэмжлэг үзүүлж, хамтран ажилласан Орхон аймгийн ЗДТГ, Залуучуудын ордон болон оролцогчдын медалийг ивээн тэтгэсэн “Тод өнгө” хэвлэлийн газарт талархал илэрхийллээ.
Сэтгэгдэл 0
Сэтгэгдэл бичих
Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.UTGA.mn хариуцлага хүлээхгүй.