Баянбулаг багийн 16р сургуулийн сурагчид пүрэв гараг бүр Үндэсний хувцсаараа жигдэрч хичээллэдэг

Орхон аймгийн 16р сургууль долоо хоног бүрийн Пүрэв гарагт Монгол дээлээрээ жигдэрч хичээллэдэг юм байна. 2017 оноос бие даасан сургууль болсон Ц.Цолмон захиралтай тус сургууль сүүлийн 3 жилд "Үндэсний хувцастай өдөр" -тэй болсон бөгөөд пүрэв гараг бүрд багш ажилчид сурагчид бүгд үндэсний хувцсаараа жигдэрч хичээллэдэг болсон байна. Мөн энэ өдөр багш хүүхдүүд Монгол ёс заншил, өв соёл, үндэсний хувцас хэрэглэл гээд танин мэдэхүйн мэдээллийг өгдөг байна. 

Ташрамд мэдээлэхэд тус сургууль нь 60 гаруй ажилтан 580 гаруй сурагчтай юм байна.