Эрдэнэт хотноо анх удаагаа N Art coffee shop-т орчуулагч Х.Цэвээний санаачилгаар "coffee and book" event боллоо. Орчуулагч Х.Цэвээний тухайд Тагтаа Паблишинг компанитай хамтран ажилладаг. Номонд дурлагсдад кофены тансаг үнэр амтыг мэдэрч номын ертөнцөөр аялах боломжийг олгосон юм. түүнчлэн "Од" номын дэлгүүр, "Internom"-Erdenet салбарын номууд хямдралтай үнээр худалдаалагдсан төдийгүй Монголдоо бэстсэллэр болж буй "Тагтаа паблишинг" компанийн гаргадаг номуудын дээжээс худалдан авах боломжийг олгосон. 

Орчуулагч Х.Цэвээн: Миний хувьд номноос үнэнийг хайдаг. Худлаа юманд дургүй. Хаан ухаан хатан ухаан гэдэг ч юм уу би хэзээ ч хатан болохгүй, лам шиг ном уншаад л асуудлаас гарахгүй, асуудал шийдэгдэхгүй л байхгүй юу. Би өөрөө өөрөөсөө асуудлынхаа гарц шийдлийг хайдаг. Ном миний амьдралын шийдэл гарцыг өгүүлсэн байдаг учраас номонд би дуртай. Ном миний дотоод хүчийг сэрээж өгдөг. Ном уншсанаар өөрийнхөө дотроос  өөрийнхөө хүчийг олж өөрийгөө таньдаг. Ном бүр надад өөр өөр өнгө, үнэнийг өгдөг. Би бүх л хэцүү нөхцөлд ном уншиж асуудлын шийдлийг олж, асуудлаасаа гарч байсан. Хүн хүсэл мөрөөдөлтэй байх хэрэгтэй. Байнга тэрийгээ бодож санаж байх хэрэгтэй. Өөрөө өөртөө итгэх хэрэгтэй. 

Дашрамд сонирхуулахад "Тагтаа Паблишинг" ХХК нь 2012 онд байгуулагдсан Монголын номын зах зээл дээрх отгон хэвлэлийн компаниудын нэг юм. тус хэвлэлийн компанийн хувьд дэлхийн уншигчдын дунд үнэ цэнэ олсон нийгэм, соёл, гүн ухаан, утга зохиолын сонгодог болон орчин цагийн бүтээлүүдийг сорчлон орчуулж Монгол уншигчдын хүртээл болгодгоороо онцлог юмаа.