0-1 настай нярай хүүхдүүдийн дунд ханиадны халдвар сүүлийн 2 хоногт ихэссэн төдийгүй амьсгалын дутагдалд орох нь их байна.

Өнөөдрийн байдлаар Орхон аймгийн БОЭТөвд 252 хүүхэд хэвтэн эмчлүүлж байна. жирийн үед хүүхдийн тасаг 55 ортой ажилладаг байсан бол өнөөдөр орны хүрэлцээг 5 дахин нэмэгдүүлсэн ч орны ачаалал их байна. Яг одоо бол 10 гаран хүүхэд газар хэвтэн эмчлүүлж байна. нийт өвчилж байгаа хүүхдүүдийг насны хувьд авч үзэхэд 0-15 насныхан 92,8 хувь эзэлж байгаа бөгөөд тэр дундаа 0-5 насны хүүхдүүдийн халдвар ихэссэн байна. Сүүлийн 2 хоногт 0-1 насны хүүхдийн халдвар ихэссэн мөн хүндэрч эрсдэл аюултай байна. Тиймээс СӨБ байгууллагын үйл ажиллагааг 14 хоног хязгаарлахаар болж байна.