Өнөөдөр Аймгийн Засаг даргын зөвлөлийн ХII хуралдаан хуралдсан. Энэ үеэр Орхон аймагт хэрэгжих төслийн талаарх мэдээлэл танилцуулагдсан. Орхон аймагт “Жишиг баг”, “Жишиг эко баг,“ “Смарт эзэд”, “Үйлдвэрлэгч баг” төслийг 2022-2023 онд хэрэгжүүлж,  үүнд шаардлагатай төсвийг энэ оны улсын төсөвт суулгасан.

“Жишиг эко баг”, “Жишиг баг”  төслөөр  жижиг дунд үйлдвэрлэл эрхлэгчдийг дэмжиж, ажлын байраар хангах бол  “Смарт эзэд” хөтөлбөр,  “Үйлдвэрлэгч баг” төсөл нь бизнес эрхлэгчдийг дэмжих юм. Төслийн нийт өртөг 4.6 тэрбум төгрөг байх бөгөөд үр дүнд нь Орхон аймагт 1000 иргэн ажлын байртай болж өрхийн орлого нэмэгдэх,  бүтээгдэхүүн үйлчилгээ кластераар хөгжих гэх мэт олон үр дүн гарна гэж үзэж байна.