ОРХОН АЙМАГ ЦЭЦЭРЛЭГИЙН БАГШИЙГ ХОЁР ЭЭЛЖИД ШИЛЖҮҮЛЭН АЖИЛЛУУЛАХ АНХНЫ АЙМАГ БОЛОХООР ЗОРЖ БАЙГАА.

Орхон аймаг цэцэрлэгийн багшийг хоёр ээлжид шилжүүлэн ажиллуулах анхны аймаг болохоор зорж байгаа. Энэ ажлаа өнөөдөр Монгол улсын Ерөнхий сайд Л.Оюун-Эрдэнэд аймгийн Засаг дарга С.Батжаргал танилцуулсан. Орхон аймгийн хэмжээнд нийт 278 цэцэрлэгийн багш ажилладаг бөгөөд цэцэрлэгийн багш нарыг 2 ээлжид оруулан ажиллуулснаар анги дүүргэлт ихтэй, ачаалал өндөртэй ажилладаг багш нарын ажлын ачааллыг багасгах зорилготой юм. Нэг багшийн дундаж цалин 800,000 төгрөг бөгөөд 2021 оны 9-12 сарын санхүүжилт болох 889,0 сая төгрөгийг Засгийн газар шийдвэрлэж өгөхөөр боллоо.