ХОТЫН ЗАХИРАГЧИЙН АЛБАНААС ӨНӨӨДӨР СУУЦ ӨМЧЛӨГЧДИЙН ХОЛБООДЫН УДИРДЛАГАТАЙ УУЛЗАЛТ ХИЙЛЭЭ

Орхон аймгийн хэмжээнд 43 СӨХ үйл ажиллагаа явуулдаг. Уг уулзалтад Баян-Өндөр сумын ЗДТГ, багуудын ажлын алба болон мэргэжлийн байгууллагуудын холбогдох албан тушаалтнууд төлөөлөл оролцлоо.

СӨХ нь нийтийн зориулалттай орон сууц байр болон хотхоны ашиглалтын хэвийн байдлыг хангах, сууц өмчлөгчдийн эрх, ашиг сонирхлыг хамгаалах зорилго бүхий холбоо юм. Байр хотхонд цэвэрлэгээ үйлчилгээ хийж, оршин суугчдаас хураамж авч үйл ажиллагаагаа явуулж байна.

Өнөөдрийн уулзалтад оролцсон СӨХ-дын төлөөлөл орцны үйлчлэгч хийх хүн олдохгүй байгаагаас эхлээд айл өрх төлбөрөө төлөөгүй зэрэг асуудлаас үүдэн зарим СӨХ-ны үйл ажиллагаа доголдох хэмжээнд хүрсэн зэрэг асуудлыг хөндсөн юм.