ОРХОН АЙМАГ ДАРХЛААЖУУЛАЛТААР БУСАД ОРОН НУТГУУДААС ТЭРГҮҮЛЖ БАЙНА.

Орхон аймаг дархлаажуулалтаар бусад орон нутгуудаас тэргүүлж байгаа. Өнөөдрийн байдлаар 1-р тунд 54312 иргэн хамрагдаж 79%тай байгаа бол 2-р тунд 18535 иргэн хамрагдаж 27%тай байна. Дархлаажуулалтын дараа халдвар авсан 119 хүн байгаа бөгөөд 1-р тундаа хамрагдаад халдвар авсан 102, 2-р тундаа хамрагдаад халдвар авсан 17 иргэн байна. Энэ нь батлагдсан тохиолдлын 21% эзэлж байна. Иргэддээ анхааруулахад 1,2 тундаа хамрагдаад 14-28 хоносон ч тайвширч маскаа авч халдвар хамгааллын дэглэмээ зөрчиж болохгүйг Аймгийн онцгой комиссоос анхааруулж байна. Гол нь дээр дархлаажуулалтад хамрагдсан ч халдвар авсан 119 иргэдэд ямар нэгэн хүндрэл байхгүй юу коронавирусийн хөнгөн хэлбэрээр өвчилж байгаа нь дархлаажуулалтад хамрагдсаны үр дүн гэж Орхон аймгийн ЭМГ-н дарга Д.Сүхээ онцолж байна.