"Шувуучлахуй буюу шувуугаар ан хийх арга ухаан" соёлын биет бус өвийн хамгаалал, эрхзүйн асуудал хэлэлцүүлэг зохион байгуулагдлаа

ЮНЕСКО-ийн "Хүн төрөлхтний соёлын биет бус өвийн жагсаалт"-д бүртгэгдсэн “Шувуучлахуй" буюу бүргэдээр ан хийх зан үйлийг нийтэд сурталчлах, шувуулахуйн соёлын биет бус өвийг зэрлэг ан амьтдын тогтвортой хамгаалал, нөөцийн хэрэглээнд тулгуурлан хадгалах, хамгаалах, үр хойчдоо өвлүүлэх шаардлагатай билээ.

Энэ удаагийн хэлэлцүүлгийг Байгалийн түүхийн музей, Монголын Шувуулахуй холбоотой хамтран зохион байгуулж байгаагаараа онцлог ба Монгол Улсын холбогдох хууль тогтоомж, Олон Улсын Конвенцод үндэслэн шувуулахуйн хамгааллыг зохицуулах журмыг хэлэлцлээ.