JCI олон улсын залуучуудын байгууллага нь анх 1915 онд АНУ-ын Сэйнт Луис хотод үүсгэн байгуулагдаж өдгөө дэлхийн 120 гаруй улсад 5000 гаруй салбар байгууллагатай бөгөөд дэлхийн өнцөг булан бүрт жил бүр нийгэмд эерэг өөрчлөлтийг бүтээх, тогтвортой хөгжлийн зорилтуудыг хангахад чиглэсэн 20.000 гаруй төсөл хөтөлбөрүүдийг хэрэгжүүлж, 160,000 гаран гишүүдэд ЭЕРЭГ ӨӨРЧЛӨЛТ бүтээх хөгжлийн боломжийг залуучуудад олгосоор байна.
         JCI Эрдэнэт салбар байгууллага нь 26 дахь жилдээ тогтвортой үйл ажиллагаагаа явуулж буй гайхалтай залуусын нэгдэл юм. 2023 оны JCI Эрдэнэт салбар байгууллагын Ерөнхийлөгчөөр Дэмбэрэлийн Нямдаваа сонгогдож зүүсгэл хүлээн авах ёслол 2023 оны 02 сарын 02-ны өдөр амжилттай болж өндөрлөлөө.
JCI Эрдэнэт салбар байгууллага 2023 онд SMART WALUE буюу ухаалаг үнэ цэнэ уриа дэвшүүлэн төсөл хөтөлбөрүүдийг чанаржуулах, гишүүдийн хөгжилд чиглэгдсэн сургалтууд, арга хэмжээ гадаад харилцааг өргөжүүлэх, дотоод бизнес аялал, орон нутагт төрийн хамтын ажиллагааг тогтворжуулах мөн хөгжлийн бэрхшээлтэй хүүхдүүд, боловсролд чиглэсэн төсөл хөтөлбөрүүд, Эрдэнэт хотыг замын гарцан дээрх осолгүй анхны хот болгож зарлах зорилгоор “Амьдрал үргэлжлэнэ” төсөл WHY JCI, JCI Эрдэнэт Гарден төслүүдийг санаачлан хэрэгжүүлэхээр ажиллаж байна. JCI Эрдэнэт салбар байгууллага 2023 онд JCI Монгол байгууллагын үндэсний Ерөнхийлөгчийн ХХI академийг Эрдэнэт хотноо 9 жилийн дараа дахин зохион байгуулахаар боллоо.