ӨВЛИЙН НААДМЫН БИЛЭГ ТЭМДЭГ БОЛОХ АРСЛАНГ “ЭРДЭНЭТИЙН ЭЭЖҮҮДИЙН УРЛАН”-ИЙН УРЛААЧ БҮСГҮЙЧҮҮД БҮТЭЭЖЭЭ

Орхон аймаг Эрдэнэт хотноо “Нөхөрлөл-Тэмүүлэл-Амжилт” уриан дор анх удаа орон нутагт зохион байгуулагдах Монголын бүх ард түмний спортын өвлийн XIV наадам, Монголын хүүхдийн спортын өвлийн VII наадам зохион байгуулагдаж байгаа. Тус наадмын билэг тэмдэг болох арсланг Эрдэнэт хотын Эрдэнэтийн ээжүүдийн урлангийн урлаач бүсгүйчүүд бүтээжээ. Ээжүүдийн урланд харьяалагддаг 28 ээж 20 өдрийн дотор 215 арсланг урласан байна. Тус урлангийн тухайд гэртээ хүүхдээ хардаг, ажлынхаа хажуугаар нэмэлт орлого бүрдүүлдэг, сонирхлоороо сурсан гээд салбар бүрийн мэргэжилтэй бүсгүйчүүд байдаг байна. тус урлангаар дамжуулж төрөл бүрийн бүтээл захиалах боломжтой юм байна.