ЭРДЭНЭТИЙН ИРГЭД ХЯСААН МӨӨГ ТАРИАЛАХАД СУРАЛЦАЖ БАЙНА

“Монголын таримал мөөгний нэмүү өртөгийн сүлжээ” ТББ, Эрдэнэт шинжлэх ухаан технологийн парк хамтран Сургалтын төвийг байгууллаа. Өнгөрсөн нэгдүгээр сард эхэлсэн сургалтад 25 иргэн нэг сарын хугацаанд хясаан мөөг тарих онол, дадлага хосолсон сургалтад хамрагдаж 40 кг мөөг тарьжээ. Тэд хоршоо байгуулан ажиллах төлөвлөгөөтэй бөгөөд “Монголын таримал мөөгний нэмүү өртөгийн сүлжээ” ТББ, Эрдэнэт шинжлэх ухаан технологийн парк хамтран эцсийн бүтээгдэхүүн буюу цайны үйлдвэр байгуулах, шинэ үйлдвэрлэлийг эхлүүлэхэд дэмжин ажиллах юм. Энэ оны 6 дугаар сар гэхэд тус сургалтын төвийн төгсөгчдийн тариалсан мөөг Эрдэнэтийн зах зээлд нийлүүлэгдэж, хэрэглэгчдийн гарт хүрнэ.