Орон нутгийн төсвийн 2,7 тэрбум төгрөгийн  хөрөнгө оруулалтаар Хүрэнбулаг багт энэ онд дараах бүтээн байгуулалтыг хийнэ. 

• Хүрэнбулаг багт нэг чиг хардаг 5 ширхэг камер суурилуулна. Ингэснээр одоо ажиллаж байгаа 56 камер 5-аар нэмэгдэнэ гэсэн үг юм. Үүнд орон нутгийн төсвөөс 39,3 сая төгрөг зарцуулна. 
• Орон нутгийн төсвийн 1,3 тэрбум төгрөгийн хөрөнгө оруулалтаар Эрх чөлөөний өргөн чөлөөний авто замаас 4-14 дүгээр байрны зүүн талаар, 24,25 дугаар байрны авто зам, авто зогсоолд их засвар хийнэ. Тус багт нийт 1,4 км авто замд их засвар, шинэчлэл хийхээр байна. 
• 4-16,18,26 дугаар байрнуудын дунд тоглоомын талбай, 4-26,27 дугаар байрны явган зам, 10 дугаар цэцэрлэгийн баруун, зүүн хэсгийн явган шатыг шинэчилж, засварлана. Үүнд орон нутгийн 409,2 сая төгрөгийг зарцуулна. 
• 13 дугаар сургуулийн гадна фасад, Анхны оч өрхийн эмнэлгийн дээврийн болон дотор засвар, 19 дүгээр цэцэрлэгийн дээвэр, дотор засварыг хийнэ. Үүнд 892,8 сая төгрөгийг зарцуулна. Эх сурвалж: Erdenet.mn