ОРХОН АЙМГИЙН ВОЛЕЙБОЛ СОНИРХОГЧ ЗАЛУУЧУУДАД ЗОРИУЛСАН “ERDENET OPEN-2024” ТЭМЦЭЭНД БАГ ТАМИРЧДЫГ УРЬЖ БАЙНА

Тус тэмцээнийг Орхон аймгийн волейбол сонирхогч залуучуудын холбооноос нийт залуусынхаа чөлөөт цагийг зөв боловсон өнгөрүүлэх, волейболын спортыг олонд сурталчлан таниулах зорилготойгоор зохион байгуулж байна. “Erdenet open-2024” насанд хүрэгчдийн волейболын тэмцээн энэ сарын 27, 28 ны өдрүүдэд Орхон аймгийн Спорт хорооны А, Б зааланд зохион байгуулагдана. Уг тэмцээн нь нээлттэй тэмцээн гэдгээрээ онцлогтой учир аль ч аймаг сумдаас багууд оролцож боломжтой өргөн цар хүрээг хамарч байгаагаараа онцлогтой юм.

Дашрамд мэдээлэхэд Орхон аймгийн Волейбол сонирхогч залуучуудын холбоо нь 8 дахь жилдээ үйл ажиллагаагаа явуулж байгаа бөгөөд нийтдээ 18 удаагийн тэмцээнийг амжилттай зохион байгуулж волейбол сонирхогч, дэмжигч залуучуудыг нэгтгэж байгаа холбооны нэг юм.