ЭНЭ САР ОЛОН ЖИЛИЙН ДУНДЖААС АХИУ ХУР ТУНАДАСТАЙ

Орхон аймгийн Ус, цаг уур орчны шинжилгээний төвийн дарга С.Отгонбаатар: Гуравдугаар сар дулаан хүйтний хэлбэлзэл ихтэй байдаг. Тодруулбал энэ сарын 5, 6, 14, 15, 25, 26-нд олон жилийн дунджаас 3-5 хэмээр хүйтэн байх төлөвтэй байна. Шөнөдөө -12-16 хэм, Жаргалант суманд  -16-20 хэм байна. Өдөртөө 8-12 хэмийн хүйтэн байна. 

Мөн огцом дулаарч 7-10-ныг хүртэл   өдөртөө  нэмэх 2-7 хэмийн дулаан байна. 10-ныг хүртэл цас орохгүй.  18, 19, 22, 23, 28, 29-нд  өдөртөө мөн нэмэх  5-10 хэм хүрч дулаарах төлөвтэй байна.  Энэ сар олон жилийн дунджаас ахиу хур тунадастай.  Цаашид сар дуустал 3-4 удаагийн их бага хэмжээгээр цас орох төлөвтэй байна.