Орчин цагийн биеийн тамир үүсэж хөгжсөний 100 жил, Анхдагч  илгээлтийн эздийн  50 жилийн ойд зориулсан чөлөөт бөхийн өсвөрийн улсын аварга шалгаруулах тэмцээн энэ сарын 22-24-ны өдрүүдэд манай аймагт болно. 

Улс эх орныхоо далбааг тив, дэлхийн тавцанд гарган ардарт тамирчдынхаа нэр алдрыг сурталчлан таниулах, тэдний гавьяа зүтгэлийг алдаршуулах, залуу үеийн залгамж халааг бэлтгэх, өсвөрийн тамирчдын ур чадварыг нэмэгдүүлэх, шударга өрсөлдөөний өрнүүлэх, өсвөрийн тив дэлхийн аварга шалгаруулах тэмцээнд оролцох тамирчдыг сонгон шалгаруулах нь энэхүү тэмцээний зорилго юм. 

Тэмцээний ерөнхий ивээн тэтгэгчээр Орхон аймгийн ИТХ, ЗДТГ, Эрдэнэт үйлдвэр ТӨҮГ-ын Хангарди спорт клуб, Монголын чөлөөт бөхийн холбоо хамтран ажиллаж байна. 

Тэмцээнд нийслэлийн 9 дүүрэг, 21 аймгаас өсвөрийн 500 гаруй тамирчин тус бүр 10 кг-ийн жинд өрсөлдөнө.