Эх орны өнцөг булан бүрт малчин бүр хоршиж, нэгдэн бизнес эрхлэх боломжийг олгох, түүний ач холбогдол, үр дүнг таниулах “Шинэ хоршоо хөдөлгөөн” өрнөж байна. 
Засгийн газраас өрнүүлж буй  “Шинэ хоршоо хөдөлгөөн”-ий хойд бүсийн нээлт  өнөөдөр манай аймагт эхэллээ.  

Засгийн газраас “Шинэ сэргэлтийн бодлого”-ын Хот, хөдөөгийн сэргэлтийн хүрээнд уур амьсгалын өөрчлөлтөөс шалтгаалан мал аж ахуйн салбарт үүсэж болзошгүй гамшгаас урьдчилан сэргийлэх, мал аж ахуйн үйлдвэрлэл, малчдын хоршоог дэмжих замаар тогтвортой хөгжүүлэх зорилгоор  "Шинэ хоршоо хөдөлгөөн" -ийг эхлүүлсэн. 

Засгийн газрын хэрэг эрхлэх газрын дарга Д.Амарбаясгалангаар ахлуулсан ажлын хэсэг өнөөдөр манай аймагт хойд бүсийн   “Шинэ хоршоо хөдөлгөөн”-ийг нээж, Орхон, Хөвсгөл, Булган аймгийн 1300  малчид хоршоологчдын төлөөлөл  мэдээлэл авч байна. 

Хойд бүсийн  гурван аймгийн малчид, хоршоологчдын төлөөлөлд албаныхан  Шинэ хоршооны хөдөлгөөн, Бүсийн онцлогт тохирсон хоршооны загвар төсөл, Хоршооны засаглал, Хоршооны гишүүн малчны зээл авахад тавигдах шаардлага, Монголбанкны зээлийн зориулалт, Хоршоог хэрхэн бүртгүүлэх вэ, Хоршооны сайн туршлага гэхчлэн өргөн хүрээнд мэдээлэл өгөх юм. 
Мөн энэ үеэр Орхон, Булган, Хөвсгөл аймагт  үйл ажиллагаа явуулж буй   үйлгэр жишээ хоршоологчид  өөрсдийн  сайн туршлагаа бусаддаа хуваалцаж байна.

“Шинэ хоршоо хөдөлгөөн”-тэй холбоотой  хуулийг УИХ яаралтай горимоор хэлэлцэж, эрх зүйн орчинг нь бүрдүүлсэн. Тодруулбал,  2024 оны 4 сарын 19 өдөр “Уламжлалт мал аж ахуйд тулгамдаж буй уур амьсгалын өөрчлөлтөөс шалтгаалсан сөрөг нөлөөллийг бууруулах тухай” 
2024 оны 4 сарын 24 өдөр Дунд хугацааны “Шинэ хоршоо-Чинээлэг малчин” арга хэмжээний төлөвлөгөө /5 жилийн хугацаатай 5 их наяд төгрөг/ - Монгол Улсын Засгийн Газрын тогтоол/-ыг тус тус баталсан билээ.   Орхон аймгийн ЗДТГ-ын Мэдээллийн төв