ОРХОН АЙМГИЙН ЖАРГАЛАНТ СУМЫН ИРГЭДИЙН САНАЛ, ХҮСЭЛТИЙН ДАГУУ АШИГЛАГДАХГҮЙ БАЙСАН ХУУЧИН БАЙРЫГ ЗАСВАРЛАЖ ТҮРЭЭСИЙН ОРОН СУУЦ ХЭЛБЭРЭЭР АШИГЛАХААР БОЛЖЭЭ

Тус суманд байх хуучирч муудсан 15-р байрыг засварлаж түрээсийн орон сууц хэлбэрээр ашиглахаар болжээ. Үүний тулд Жаргалант сумын ЗДТГ уг байрыг худалдан авч засварын ажлыг "Сэнгүн" констракшн ХХК гүйцэтгэж байна. Тус 2 давхар байрыг 2-3 өрөөний төлөвлөлттэй 12 айлын орон сууц болгож шинээр засварлах юм.

Өнөөдрийн байдлаар дээврийн засвар, дотор хана цонх суулгах, гадна цахилгаан, инженерийн шугам сүлжээ зэрэг ажлууд хийгдэж дууссан. Одоо гадна фасад, зам талбайн газар шорооны ажил, дотор гоёлын тааз, цэвэр, бохир, дулааны ажлууд хийгдэж ажлын гүйцэтгэл 50 хувьтай байна.  

Уг ажил нь 990 сая төгрөгийн хөрөнгө оруулалтаар хийгдэж байгаа бөгөөд барилгын их засварын ажилд тулгамдсан асуудал бүрд ХББЗА-ны хяналтын инженер, зураг төсөл зохиогч, гүйцэтгэгч нар газар дээр нь хуралдан, шийдвэрлэж байна.

Гэрэл зургийг: Орхон аймгийн ХББЗА