“ЦИРКИЙН 7 ХОНОГ” АРГА ХЭМЖЭЭГ ХОЁР ДАХЬ УДААГАА ДӨРӨВДҮГЭЭР САРЫН 22-НООС ЭХЛЭН НЭГ ДОЛОО ХОНОГИЙН ТУРШ ЗОХИОН БАЙГУУЛНА

Монголын циркийн уран бүтээлчид нэгдэн “Циркийн 7 хоног” арга хэмжээг хоёр дахь удаагаа зохион байгуулах гэж байна. Тус арга хэмжээ Сүхбаатарын талбайд зохион байгуулагдах бөгөөд энэ оны дөрөвдүгээр сарын 22-ноос эхлэн нэг долоо хоногийн турш үргэлжлэх юм.

Арга хэмжээний хүрээнд Монголын циркийн уран бүтээлчид, хамтлаг продакшнууд өдөр бүр гурван удаагийн үнэ төлбөргүй тоглолтыг олон нийтэд толилуулахаар төлөвлөжээ.

Ийнхүү нийслэлийн иргэд болон зочдод циркийн урлагийн гайхамшгийг үнэ төлбөргүйгээр үзэх боломжийг олгож, үндэсний циркийн урлагийг сурталчлан таниулах ач холбогдолтой арга хэмжээ болохыг зохион байгуулагчид онцолж байна.