Монгол улсын хэмжээнд Төрийн өмчийн 1432 цэцэрлэг ажиллаж байна. Үүнээс анхны бассейнтай цэцэрлэг манай аймагт ажиллаж байгаа нь 7-р цэцэрлэг юм. 7-р цэцэрлэг нь 1990 онд  баригдахдаа бассейнтай баригдаж байсан бөгөөд бассейнын барилгыг улсын төсвийн 2 тэрбум төгрөгийн хөрөнгө оруулалтаар засварлаж өнөөдөр албан ёсоор нээлтээ хийж байна. Усан бассейнын тухайд 12х6 хэмжээтэй, 60 тонн усны багтаамжтай юм байна. Тус бассейнд мэргэжлийн багш, эмч ажиллах бөгөөд 4-5 насны хүүхдүүд 7 хоногт 2 удаа усан спортоор хичээллэж эрүүлжих чийрэгжих боломжтой юм. Мөн тус цэцэрлэгт тусгай хэрэгцээт 2 бүлгийг шинээр байгуулж хөгжлийн бэрхшээлтэй хүүхдүүдийг усан бариа, усан эмчилгээнд хамруулах ажлыг аймгийн зүгээс үе шаттайгаар зохион байгуулах юм байна.